കവിതകളുടെ ദിനങ്ങളാണിനി, മഹാ കവിതകളുടെ.
വൃത്തങ്ങള് കാണില്ല, ഒരു
വൃത്തത്തേക്കാള് വലുതല്ലേ
കവിയും കവിതകളും.
പ്രാസമൊപ്പിക്കാന് ഇവയൊരു
തമാശക്കാരന്റെ ജല്പ്പനങ്ങളല്ല.
ബുദ്ധിയുള്ളവന് മനസിലാക്കട്ടെ!
വിഡ്ഢികള് നാടു വിടട്ടെ!
അങ്ങനെ അതിബുദ്ധിമാന്മാര് അവശേഷിക്കുമ്പോള്,
സ്തുതിപാഠകര് തെരുവില് സമ്മേളിക്കുമ്പോള്,
അന്യന്റെ വാക്കുകള്
സംഗീതം പോലെ, കവിത പോലെ
ആസ്വദിക്കുന്ന ഒരു കാലം വരും.
തീര്ച്ച.
Subscribe to:
Post Comments (Atom)
No comments:
Post a Comment