ചിന്തകള്‍ പലപ്പോഴും ഒരു തീവണ്ടി പോലെ കുതിച്ചു പായുന്നു.
ഒന്നിനു പുറകെ ഒന്നായി
പലതരം ചിന്തകള്‍ കോര്‍ത്തിണക്കപ്പെട്ട്,
പല ബോഗികള്‍ ഒരു തീവണ്ടിയിലെന്ന പോലെ.
പലതും കയറ്റിയും ഇറക്കിയും ആര്‍ക്കുവേണ്ടിയും കാത്തുനില്‍ക്കാതെ.
ഈയിടെയായി എന്റെ ചിന്തകള്‍
തുമ്പികളെ പോലെയാണ്.
ഒരിടത്തും ഇരുപ്പുറയ്ക്കാതെ,
ഒന്നില്‍ നിന്ന് മറ്റൊന്നിലേയ്ക്ക്
മനസ്സ്‌ ഒരു കടലാസ് പട്ടം പോലെ ചാഞ്ചാടിയുലയുന്നു.
എനിക്ക് ഭയമാണ്
കാറ്റ് നിലയ്ക്കുമ്പോള്‍
കടലാസ്സു പട്ടം താഴേയ്ക്ക് പതിക്കില്ലേ?
തെളിഞ്ഞ ആകാശത്തില്‍ നിന്നും
താഴെ മരുഭൂമിയിലേയ്ക്ക്?
നടുക്കടലിലേയ്ക്ക്?
അഗാധ ഗര്‍ത്തത്തിലേയ്ക്ക്?
Subscribe to:
Post Comments (Atom)
No comments:
Post a Comment